ദക്ഷിണ കര്‍ണാടകയിലെ കൂര്‍ഗ് ജില്ലയിലാണ് കാവേരിനദിയുടെ കൈവഴിയായ കബനിയുടെ കരയിലായി നാഗര്‍ഹോളെ സ്ഥിതിചെയ്യുന്നത്. സര്‍പ്പനദി എന്നാണ് നാഗര്‍ഹോളെ എന്ന കന്നഡ വാക്കിന്റെ അര്‍ത്ഥം. സര്‍പ്പത്തിന്റെ ഇഴച്ചില്‍പോലെ വളഞ്ഞുപുളഞ്ഞൊഴുകുന്ന നദിയാണ് അപൂര്‍വ്വ ജീവജാലങ്ങളുടെ സംരക്ഷിത ആവാസ കേന്ദ്രമായ നാഗര്‍ഹോളെയ്ക്ക് ഈ പേര് നല്‍കിയത്.
ആന, കടുവ, പുലി, സാമ്പാര്‍, പുള്ളിമാന്‍, കാട്ടുനായ, കാട്ടുപോത്ത്, കഴുതപ്പുലി തുടങ്ങി നാനാജാതി മൃഗങ്ങളെ ഇപ്പോഴും ഇവിടെയുള്ള രാജീവ്ഗാന്ധി ദേശീയ ഉദ്യാനത്തില്‍ കാണാന്‍ സാധിക്കും.
