ഡിസൈൻ ഇന്റർഫേസുകളും മറ്റ് വിപണന തന്ത്രങ്ങളും ഉപയോഗിച്ചാണ് ഇൻസ്റ്റന്റ് ലോണിന്റെ മറവിൽ ഉയർന്ന പലിശ നിരക്കുള്ള ഇത്തരം വായ്പകൾ ഉപയോക്താക്കളിൽ എത്തിക്കുന്നത്. നിലവിലെ ടെക്-ബാങ്കിംഗ് പരിതസ്ഥിതിയിൽ സൈബർ തട്ടിപ്പുകൾ തടയാൻ സുരക്ഷ ശക്തമാക്കണമെന്ന് ഡെപ്യൂട്ടി ഗവർണർ ബാങ്കുകളോട് ആവശ്യപ്പെട്ടു. “തട്ടിപ്പുകളും ഡാറ്റാ ചോർച്ചകളും മറ്റും വർധിച്ചുവരികയാണ്. അനധികൃത ആപ്പുകൾ, സ്വകാര്യത ലംഘിക്കൽ, ഡീപ്ഫേക്കുകൾ എന്നിങ്ങനെ നിരവധി സൈബർ ഭീഷണികൾ ഇന്ന് ഉപഭോക്താക്കൾ നേരിടുന്നുണ്ടെന്നും റാവു പറഞ്ഞു.
ഉയർന്ന പലിശ നിരക്കിൽ 50,000 രൂപയിൽ താഴെയുള്ള ചെറുകിട വായ്പകളുടെ എണ്ണം കൂടുന്ന സാഹചര്യത്തിലാണ് ഡെപ്യൂട്ടി ഗവർണറുടെ നിർദേശം. ഫിൻടെക് ആശയങ്ങളെ പ്രശംസിക്കേണ്ടതുണ്ടെങ്കിലും സാമ്പത്തിക സ്ഥിരതയും ഉപഭോക്തൃ സുരക്ഷയും ഉറപ്പാക്കുന്നതിന് നിയന്ത്രണം ആവശ്യമാണെന്നും അദ്ദേഹം പറഞ്ഞു.
